Awe, 1 di Maart 2024, Laboratorio Familiar, un pilar den cuido di salud den e region, ta orguyoso pa conmemora su 38 aniversario di servicio na e comunidad. Desde su fundacion, Laboratorio Familiar a dedica na brinda, servicionan di laboratorio medico confiabel y completo, contribuyendo na e salud y bienestar di famianan den henter e isla.
Bao di e liderazgo destaca di Irene van der Linde, e Direktor y CEO di Laboratorio Familiar, e laboratorio a sigui mantene constantemente e nivelnan mas halto di calidad y profesionalismo. E vision y dedicacion di Van der Linde a sigi impulsa e laboratorio pa dilanti, asegurando asinaki cu e ta keda na cabez di diagnostico medico y di cuido di e pacient.
“Nos ta honra di a marca e significante milestone aki den nos biahe di servicio na nos hendenan di Aruba,” Irene van der Linde a bisa. “Laboratorio Familiar ta keda firme den su compromiso di brinda servicionan preciso, corecto y na tempo na nos comunidad. Mientras nos ta reflexiona riba e ultimo 38 aña nan, nos ta agradecido pa e confiansa y e apoyo especialmente di nos pacientnan, dokternan, companianan y amigonan.
Durante su historia, Laboratorio Familiar a brasa di un manera continuo innovacion y tecnologia pa mehora su servicionan y a satisface e necesidadnan cambiante di e pacientnan y provedoronan di cuido di salud. Desde testnan di sanger di rutina te na testnan especial, e laboratorio ta orguyoso di brinda resultadonan cu presicion y eficiencia.
Mientras Laboratorio Familiar ta conmemorando su 38 aniversario, e ta reafirma su dedicacion pa promove salud y e bienestar den e comunidad.
E laboratorio ta spera di continua su legado di excelencia bou di e liderasgo di Irene van der Linde, mientras e ta keda comprometi pa sirbi e hende di Aruba pa hopi aña mas.
