Bo ta kita hende nan bida manera un soño mainta; nan ta manera yerba cu ta sali; mainta e ta sali y ta crece, anochi ya e ta marchita y ta seco.Salmo 90,5-6
Herodes a comenta: ”Mi mes a laga kap Huan su kabes kita afo, ma awor e homber cu mi ta tende e cosnan aki di dje, ta ken e ta?” Y e tabata busca moda di mira Hesus.
Sabiduria dilanti locual ta pasahero. Predicador ta spierta nos cu e ambicionnan di mundo ta manera huma, y Salmo 90 ta corda nos cu bida ta asina cortico manera yerba, cu mainta ta florece y atardi ta marchita y seca. Nada material ta keda pa semper. Den Evangelio: Herodes ta encarna e peligro di biba bao di falsedad di su seguridadnan material. Maske e tabatin tur poder, su consenshi tabata intrankil; e tabata busca pa mira Hesus djis pa curiosidad y no pa un deseo real di transforma su bida. E palabra aki ta confronta nos: Nos ta busca Dios pa cambio, of djis pa rutina? Reconoce nos fragilidad mester move nos pa stop di perde tempo den locual ta marchita, y hancra nos existencia den locual ta eterno.
Oracion: Señor Dios, concede nos un curason sabi. No permiti pa nos busca Bo cu curiosidad bashi. Yuda nos balora cada dia y pa nos sembra obranan di bondad cu ta traspasa tempo. Amen.
