Diabierna atardi a drenta informe di un cas na candela na Shaba, mesora a dirigi tanto polis como bombero na e sitio. Na caminda pa e sitio a bisa cu ta candela na un negoshi dilanti di Napa na Shaba. Na yegada di e patruya cu bombero a bin descubri cu aki ta trata di candela di sushi y yerba patras di un cas. Bomberonan mesora a habri slang y a move bay direccion di e candela. Despues di un rato nan a domina e candela y a paga esaki completamente.
