ORANJESTAD – E aña aki un biaha mas pa di 9 aña consecutivo Aruba lo bai disfruta di un bunita projecto cual ta
e projecto di Kids & Teens Christmas Song Festival.
E meta di e Song Festival ta pa nos no laga nos cancionnan di Pasco na Papiamento conoci
como cancionnan di Pasco Classico bai perdi y tambe dunando oportunidad pa cancionnan di
pasco nobo riba mercado por medio di propio composicion.


E rekesito pa participa na Kids & Teens Song Festival ta cu e cancion mester ta di Pasco y na
Papiamento. Di e forma aki nos ta aporta y contribui tambe na nos dushi Papiamento.
Lo tin 3 categoria:

  • Categoria di 4 pa 7 aña
  • Categoria di 8 pa 11 aña
  • Categoria di 12 pa 17 aña


Pa compaña e participantenan lo tin un biaha mas e mesun All Star Band pa 9 aña consecutivo
bao encargo di Sr. Danny Koolman, un tremendo banda cu tin amor pa mucha y tin pasenshi pa
guia cada un di e participantenan.
E All Star Band ta consisti di e siguiente musiconan:

  • Danny Koolman
  • Diego Henriquez
  • Julius Martines
  • Jeff Gomez
  • Otmar Manuela
  • Muki Greaux
  • Randy Koolman
  • Coristanan:
  • Nicole Martines – de Kort
  • Lou-Ann de Kort
  • Sharline Hernandis

Participacion ta completamente gratis

Tur participante cada un ta haya 4 training cu banda y e banda ta completamente en bibo.
Inscripcion a habri y tin lugar ainda den categoría 8 pa 11 aña y 12 pa 17 aña.
Por tuma contacto cu Tante Juli na Cel: 592-6185 pa mas información y pa inscribí e
participante.
Kids & Teens Christmas Song Festival lo tuma lugar Diadomingo 07 di November 2021
cuminzando pa 2:00 PM den Cas di Cultura.

LEAVE A REPLY

Please enter your comment!
Please enter your name here