FORMADOR TA ENTREGA ACUERDO DI GOBERNACIÓN DEFINITIVO CERCA GOBERNADOR
Reparticion di cartera conoci
Aparte di entrega di e acuerdo di gobernacion, tambe formador a informa Gobernador Boekhoudt tocante e reparticion di cartera. Den e gabinete nobo, MEP lo haya seis minister, esta minister di:
• Asunto General, Innovacion, Organisacion Gubernamental, Infrastructura y Planificacion Teritorial, alabes prome-minister
• Finansas y Cultura
• Husticia y Asuntonan Social • Labor y Integracion
• Salud Publico
• Enseñansa y Deporte
RAIZ ta haya dos minister, esta minister di:
• Asunto Economico, Comunicacion y Desaroyo Sostenibel • Integridad, Naturalesa, Transporte y Cuido di Grandinan
Finalmente formador a haci entrega na Gobernador tambe di e documentonan den cuadro di screening di e ministernan nobo. Pronto Gobernador lo papia cu formador tocante e resultado di e analisisnan. Despues cu e proceso aki finalisa, lo huramenta e ministernan.
Potret: © Kabinet Gouverneur Aruba
Gobernador di Aruba, Su Excelencia Alfonso Boekhoudt riba diabierna 27 di augustus a ricibi e acuerdo di gobernacion firma for di señora Evelyn Wever-Croes. Durante di e ultimo simannan, señora Wever-Croes den su rol como formador a reuni regularmente cu Gobernador Boekhoudt pa asina duna un relato di e progreso
y implementacion di e encargo di formacion.
