PPA tambe a celebra Dia Internacional di Derecho di Mucha dia 20 di november. A para keto riba e importancia d intervencion trempan pa nos muchanan.
PPA kier preveni un Segundo Social Crisisplan (SCP) pa nos muchanan unda nos a tuma nota na television cu e instituto di gobierno DMH no sa cuanto articulo tin den derecho humano pa mucha of e Convenio di Mucha cu 54 articulo cu ta protega e derecho di mucha?
Tambe a papia di intervencion trempan den centro di cuido cual no a wordo defini corectamente, ni tampoco incluclsion di e parti di nos profesionalnan. Con ta posibel cu e esencia di e derecho di mucha den derecho humano no ta wordo trata adecuadamente? No ta traha cu comision derecho humano consisti di tur e partners di gobierno, e diferente institutonan cu tambe ta avisa gobierno y ta traha cu implementacion di e articulonan di derecho di mucha.
PPA a nota caba cu institucion di e departamento di gobierno, DMH cu a wordo institui no a bay na un manera tranparente y integro y sin consulta of evaluacion di e necesidad urgente di e profesionalnan di nos veld social y di cuido pa por hustifica esaki.
Nos profesionalnan ta forma nos weso di lomba di nos comunidad y PPA ta para cu nan, pa nan ta bon ekipa cu sabiduria y ta stimula nan competencia neccesario pa haci nan trabou sigur, si gobierno mester percura cu cuido y sosten neccesario pa nos muchanan y nan mayornan ta posibel.
PPA tambe a nota cu un evaluacion profundo y adecua di tur e proyectonan inicia a base di SCP ainda falta pa un bon evaluacion y un trayectorio bon y duradero. E crisis lamentablemente ta e origin di un intervencion mas solido cu tur partners den veld: Enseñansa, Salubridad, Social y Husticia pa continuacion di trabou. E ta e ley- y protocolnan y otro instrumento pa e crèchenan y scol y salubridad.
E derecho humano di mucha cu su 54 articulonan ta stipula cu tur mucha tin derecho di haya bon cuido. E desaroyo di e mucha mester wordo proteha cu yudansa di e mayornan, cu sosten di nos profesionalnan trahando den nos institutonan gobermental y no-gobermental.
PPA den su vision ta ekipa profesionalnan pa medio di recurso humano e ta Human Resources (HR). PPA tin un vision a termino largo. Ora di implementa intervencion trempan den e Convenio di Derecho di Mucha nos por usa articulo 2, mucha no por wordo discrimina, articulo 3: E miho interes di e mucha mester ta primario, articulo 6: E muchanan tin e derecho di desaroya nan mes, articulo 12 muchanan tin derecho di expresa nan mes, tene cuenta cu tur cos cu ta afecta nan bida.
Nos por siña y evalua cu tambe e instituto di enseñansa mester wordo reenforsa pa monitoria e muchanan y nan mayornan ora un mucha falta scol pa interveni lihe y adecua.
PPA su vision ta pa sostone e docentenan pa nan por actua na un manera door di señala e problemanan integral cerca e muchanan y nan mayornan. Alivia nan trabou unda ta posibel cu implementation di e herment Quality Management System cu por monitoria e muchanan, hisa calidad y tambe duna scolnan e herment pa sosten den recurso humano pa reduci e carga di trabou. Esaki ta un di e visionnan di un intervencion trempan.
Pero den un vision sostenibel di intervencion ta cuminsa for di 0 aña te cu 18 aña kiermen cu tur mucha na Aruba den tratamento di derecho humano ta wordo mira dentro di nos leynan di volksgezondheid di Aruba responsabel pa cuido publico, unda e desaroyo di un mucha ta wordo monitoria. Unda un mucha ta mustra deficienca manera, malesa di down of autismo, e buskeda di un ruta pa haya yudansa adecua mester ta disponibel.
PPA kier pa no tin wachtlijst. PPA kier respeta tambe articulo 23 di derecho di mucha e derecho di un mucha cu discapacidad pa tin un bida decente y cu cuido necesario manera FAVI of Pasadia Bibito Pin of Duna Man. PPA kier agrega cu mester pone atencion di expande ful un sistema pa amplia e sistema di enseñansa pa e muchanan aki por caba scol pa train pa trabou y ta util den comunidad y pa nan mesun bida cu por ta un di calidad y independiente. Esaki lo alivia e mayornan di e muchanan aki den nan futuro.
Tanto e scol y crèchenan tin di traha hunto si ta trata di un mucha cu no ta desaroya y nos leidster- y docentenan di scol y crèchenan mester tin e educacion necesario pa referí un mucha adecuadamente via e zorgsysteem di scol na e dokternan di DVG responsabel.
Awor ken ta responsabel pa e calidad di crèche si nan ta instituto priva manera nos ta tuma nota of un departamento riba su so?
Raad van Advies a adverti Gobierno den nan advies cu registracion di crèchenan so no kiermen cu e calidad di e crèche ta na ordo y manera por wordo controla pa e mayornan.
Tambe Raad van Advies a adverti gobierno dia 24 juni 2022 kenmerk RvA 53-22 cu pa wordo registra den un registro esey so por cu acuerdo di GGD, responsabel pa e salud publico y desaroyo di un mucha cu un experticio. Dicon esaki a wordo buta un banda y e esperticio di esaki no a wordo implementa den e Landsbesluit di DHM di publica dia 27 di september 2022 den Landscourant Aruba.
GGD na Aruba ta DVG, cu pa añas mester wordo reenforsa tambe cu recurso humano. PPA a lesa den nan jaarverslag riba site di DVG cu mas doctor, orthopedagogo y enfermeranan, tin un carga di trabou halto. Unda DRH y e Minister di MEP encarga cu Salubridad Publico y Tursimo a keda den e trayectorio di esaki? Of ta problema tin entre e ministernan di MEP? No exclui profesionalnan cu nan experticio cu tambe mester wordo reenforsa cu recurso humano pa nos muchanan y no haci wega politico pa por hisa calidad di crèche y di yudansa na scol pa e intervencion trempan manera debe ser.
Intervencion trempan manera e palabra ta bisa ta for di 0 aña y monitoria e desaroyo intensivo. Unda e parlamentarionan a keda y a controla tur e proceso y e advies di Raad van Advies. Nan a drumi ? of nan politica tawata mas importante cu e derecho di e mucha?
Aruba no por haci wega politico riba lomba di nos muchanan y no haci uso di e leynan di derecho humano pa nos muchanan pa nan por desaroya nan mes sano y cu nan derecho y interes ta keda ta primario.
PPA ta para pa un sistema social y medico efectivo y eficiente unda profesionalnan ta traha y reenforsa nos profesionalnan cu training y recurso humano pa facilita un desaroyo di un mucha y nan mayornan y no sin mas di lanta instituto unda e forsa pa traha hunto por ta mas na su luga.
Vota PPA vota pa integridad y un gobernacioon honesto y pa cambio duradero.
