Miembro di Parlamento y lider di fraccion AVP, Jennifer Arends-Reyes, ta reafirma su compromiso pa defende y promove derecho di mucha den Aruba. Den su mensahe, Arends-Reyes ta recorda cu proteccion di nos muchanan โno ta solamente un obligacion moral, pero un responsabilidad legal cu nos pais ta comprometi cu ne.โ
Aruba a ratifica e Convencion di Nacionnan Uni riba Derecho di Mucha, pero segun Arends-Reyes, e balor real di e compromiso ta depende di nos accionan diario. โDerecho di mucha no por keda solamente riba papel. Nan bienestar ta depende di kico nos, como adulto, autoridad, y comunidad, ta haci tur dia pa garantisโe,โ e ta splica.
E ta enfatisa cu tur mucha tin derecho pa un bida digno, un scol safe, enseรฑansa di calidad, y espacio pa desaroya su talento. Pโesey, e papel legislativo di Parlamento ta fundamental. โNos mester sigui traha riba politica y ley cu ta trece proteccion real. Educacion, proteccion social y desaroyo integral mester keda den centro di nos prioridad,โ Arends-Reyes ta bisa.
Arends-Reyes ta menciona cu Aruba tin un reto particular cu bienestar familiar y proteccion social, y ta pidi pa mas programa preventivo contra abuso y negligencia. โUn mucha cu ta crece den stabilidad y amor tin mas chens pa florece. Nos mester duna famia cu ta enfrenta situacion dificil e apoyo cu nan mester,โ e ta agrega.
Un otro punto importante ta e grupo hoben cu ta sali for di scol trempan. Arends-Reyes ta urgi pa miho orientacion y programa alternativo pa evita cu ningun hoben keda atras. โCada mucha merece un chens husto pa logra su meta, sin importa su origen of su desafio inicial.โ
E lider di fraccion AVP ta conclui cu un yamada pa union y accion conhunto: โAruba tin e capacidad pa crea un futuro unda tur mucha ta sinti safe, respeta y balora. Esaki por solamente si gobierno, scol, organisacionan y comunidad ta traha man den man. Laga nos sigui avansa pa un Aruba unda derecho di mucha no ta un soรฑo, pero un realidad cu nos ta biba tur dia.โ
