Segun RTL, Joran van der Sloot a contagia cu coronavirus den cel na Peru. Asina un miembro di famia a duna di conoce. Su famia a pidi ayudo na e embahada Hulandes na Peru, pasobra cu Joran lo no ta hayando ayudo medico y ta pasando malo.
Ministerio di asuntonan exterior a confirma na e medio Hulandes, RTL, cu un peticion pa yudansa a wordo haci na embahada Hulandes. E momento ey a tuma contacto cu e prison un Joran ta cera busca informacion di e situacion.
E prison no a confirma (ainda) cu Joran van der Sloot tin coronavirus, sinembargo Joran a confirma na su mama via telefon, cu el’a ta positivo y e tin tur e simptomanan. E ta pasando malo y no ta hayando atencion di dokter, un famia cercano a divulga na e medio Hulandes.
4 preso y 7 bewaker a test postivio na e prison aki:
E organisacion “Defensora del Pueblo” a informa cu tin sigur 4 a test positivo y siete bewaker. Un di e presonan a fayece na hospital. E organisacion ta bati alarma debi na e hecho cu e risico ta halto cu e virus por plama den e prison, envista cu e presonan ta cera cerca di otro y e condicion di hygiena ta malo.
