Nan mes ta coba pos, nan mes ta cay aden!!! 

Josefina y su gang mes a obstaculisa reunion di transparencia.


Un bes mas por constata cu e lider sindical di Simar,  Sra. Josefina no ta nada contento cu tin avanse, unda cu na Juli proximo, empleadonan publico lo bay cobra bek 5% di salario. A cuminza atrobe un wega di palabra,  un wega di strategia, pa atrobe nan por saca nan gal riba gobierno. Mas tristo ta cu Josefina ta adora Gobierno di Curacao cu Sint Maarten,  pasobra nan si ta transparente y ta tene reunion.    Gobierno di Aruba no ta transparente segun Josefina.    Atrobe Josefina ta gaña,  pasobra desde December Gobierno a forma un comicion pa asina por duna nan les di finansas publico y duna nan tur informacion di gobernacion. Kico e sabionan a haci?   Nan a traha trampa,  bisando cu nan lo no bay reunion di transparencia,  si no kita e 12.5% prome.   Nan tabata sa cu Gobierno no por a kite zomaar na December.   Pues,  nan mes ta coba pos, nan mes ta cay aden. 
Ta hilarico pa scucha con Josfina ta elogia Curacao,  cu nan si ta reuni cu Sindicato.  Pero, kico te resultado?   Reuni pa perde tempo?   Pasobra ni Curacao ni Sint Maarten ta cla pa paga bek 12.5%.    Pues, resultado ta loke ta conta y den e esaki Josefina mester stop di laga su mes wordo usa pa Mike Eman,  cu ta dirigi su pasonan sindical y e mester cuminza atende cu su sindicato na manera mucho mas serio, profesional y sin politikeria. 
Pidi un carta di garantia, ta otro strategia,  asabiendo cu tin un trajecto pa cana cu ta depende entre otro di parlamento, CAFT, y di Conseho di Minister di Reino,  pero esey no kemen cu e lucha lo no wordo logra, pasobra Promer Minister a bisa di lo haci todo por todo pa keda cla unda pa luna di Juli lo paga bek e 5%. 

LEAVE A REPLY

Please enter your comment!
Please enter your name here