Na prome lugar mester felicita Topa cu su proceso democratico pa eligi directiva y presidente nobo. A reina un ambiente di democracia den e sindicato, unda miembronan por eligi nan candidatonan pa dirigi e sindicato. Algo cu ta prescribi den tur statuut, hasta di Seppa.
Pero kico te caso? Na Seppa nan tin 10 aña sin tene eleccion. Pues un situacion unda nan ta mina nan propio statuto, pecando contra di e maximo reglanan dentro di sindicato.
Peor ainda, nan a faya barbaramente cu asunto di nan spaar bank Cappa, cual Banco Central a manda carta cu 26 punto, mustrando riba mal maneho y incumplimiento.
Parce cu Seppa a bira propiedad priva, unda esnan den directiva, presidente y vocero no kier lanta for di e stoel. Nan ta cobra miles di florin pa luna, sin cu nan ta ambtenaar.
Mas tristo ta cu nan ta perde tur (mayoria) nan casonan den corte, ora mester yuda ambtenaarnan. Nan no ta duna atencion na miembro y no ta bringa pa nan cu pasion manera debe ser.
Kisas ta pasobra nan no kier paga abogado, Y asina nan kier cuida e placa, pa nan mes keda cobra ?
Realmente ta un berguenza pa Seppa cu tin 10 aña sin tene eleccion. Ta un desaroyo dictatorial, sin democracia. Miembronan mester cuminza lansa nan voz pa exigi eleccion liber y bon organisa manera Topa.
Pabien Topa, bo ta un ehempel di con un sindicato mester funcciona.
