Un feliz comienso di luna bendiciona cu hopi fe y speransa den nos Bon Dios.

”Tata Santo, warda nan pa medio di Poder di Bo nomber, e nomber cu Abo
a duna Mi, pa nan por ta un manera nos ta un. ” (Huan 17, 11)

Hesus ta resa na Su Tata pa tur Su siguidonan pa Tata proteha nan y
warda nan di tur trampa di e enemigo. Asina tambe Hesus ta pidi cada
un di nos pa nos sea wardado di Iglesia di Dios. Hesus sa cu lo no ta
facil pa biba riba e mundo aki cu tanto maldad y tentacion. E enemigo
ta busca pa horta, mata y destrui Hesus Su trupa di carne.
( Huan 10,10). P’esey nos tin mester di keda alerta y pidi Spirito
Santo consagra nos pa medio di e berdad. Laga nos tene duro na e
mensahe bondadoso di Señor cu por yuda nos crece y duna nos e
beneficionan cu Dios tin warda pa esnan cu ta pertenece n’E y tambe
yuda tur nos rumannan cu ta zwak pa encurasha nan pa medio di e
Palabra di Dios pa nan por keda cana hunto pa asina cu Forsa y Poder
di Spirito Santo nos lo ta un pueblo di Dios victorioso. Bendiciona
sea Dios!

Oracion: Dios Tata Todopoderoso, nos sa cu no ta facil pa biba riba e
mundo aki cu tanto tribulacion. P’esey nos ta roga Bo y suplica Bo pa
manda Bo Spirito Santo pa cuida nos y duna nos e discernimiento pa
bisa no na maldad y si na bondad di Dios pa medio di Cristo nos Señor
Amen.

LEAVE A REPLY

Please enter your comment!
Please enter your name here