Dialuna den oranan di merdia polis a bay cu urgencia pa un accidente unda cu un di e autonan a bolter.

Un accidente peculiar, debi cu bo lo no pensa cu un auto lo bolter den un caya small y unda bo no por core duro. Pero e biaha aki e la pasa.

Na yegada di polis nan a topa cu e dos vehiculonan, ambos Kia Sportage. Un di e autonan tawata staciona unda cu e otro pa un of otro motibo a dal den parti dilanti y despues termina ariba su banda.

E chauffeur ta un dama y lo a ricibi algun rasca, pero nada di gravedad.
Polis a pidi toch presencia di ambulance, unda cu na yegada e Paramediconan a controla e dama na e sitio mes.

Polisnan di trafico tambe a presenta pa asina tuma dato.

LEAVE A REPLY

Please enter your comment!
Please enter your name here