Un palabra di nan mes papiando di nan mes ?
Ohala nos por a traha mihor ariba fb directo
Pero asina ki tambe por na un manera simpel y concreto.
E palabra envidia
Expresa pa un of mas hende bruha wakiendo nan mes den spiel ?
Nan cu kier reinventa e wiel ?
Un palabra di nan tira den bashi
Un palabra cu no a tocami
Pero si a inspirami cu duele pa nan,
Un poema pa pone otro pensa di nan
Di nan cu ta bisa locual nan mes ta
Nan cu ta locual nan bisa
Envidia ta come esnan cu tin’e, esnan cu ta use
Esnan cu ta sintie cu miedo pa otronan ta igual cu ne of surpase
Esnan cu tine den nan curason y ta exprese y mencione
Bo ta locual bo ta bisa
Bo ta bisa locual bo mes ta
Oh algun cu ta midi forsa cu otro den sociedad of clase pa motibo di un fam of nomber ?
Un muhe of homber ?
Ta hopi ta e inspiracionnan cu ta bin
Pa esnan cu tin
Y cu no por bahe ariba un otro cu nan no ni conose
Laat staan dirigi palabra na dje
Ami como ruman prohimo ta pordona nan
Nan no sabi mihor
Nan no sa kico ta amor
Un homber of muhe cu no ta stima di berdad sa ta bruha
Status no ta importante pami
Titulo no ta importante pami
Un fam no ta importante pami
Amor pa Dios, pa mi mes y pa prohimo ruman mi tin den mi
NO ta boso a dunami
Esey ta un di mi mision den bida duna cu bendicion na ami y na tur Poeta cu ta inspira y expresa di curason
NIUN Poeta sa usa palabranan negativo pa pret pa insulta of herida
Ta bira tambe un Poeta di protesta den momento cu tin cu cuida e bienestar di nos comunidad vulnerabel
Nos adultonan mayor
Cu nos tur tawatatin of tin ainda den nos bida.
Shonnan envidioso, busca boso luz y sinya stima !
Poeta Ruthy Lady Ruth
Augustus 2026
