Mientras cu Aruba ta sigui pasa den e pandemia cu a asota mundo, Prome Minister ta sigui negocia cu Hulanda riba e prestamo di e tercer tranche.
Prome Minister a bisa e siman aki cu e ta papiando cu Hulanda riba e landspakketen.
Landspakketen ta e lista cu Hulanda a pone como condicion cu nan kier y nos ta purbando pa pone den contexto di Aruba.
Dolarisacion
Por ehempel e tema di dolarisacion pa pone den contexto di Aruba. Pa nos bay haci un investigacion prome y despues dicidi si ta haci’e. Y no manera palabra ta awo cu ta impone cu ta haci’e.
Edad di pensioen
Mescos cu edad di pensioen, cu ya den tres aña nan kier pa e bira 66 y no a ni bira 65 ainda na Aruba. Esey tambe nan ta pone como “dwingende taal”, pues e ta impone cu e mester bira asina y loke cu nos kier ta pa nos haci investigacionnan y pone den contexto di Aruba y ki ora Aruba ta haya necesario pa por aumenta edad di pensioen.
Entidad lo haya poder pa bende shares den nv’s nan di Gobierno
Tambe e hecho cu e entidad Hulandes lo por dicidi di bende accionnan di compania estatal y cumpra accionnan di compania estatal, a trece masha desconfiansa den comunidad y esey tambe a purba di splicanan. Cu algo asina bo no por kita poder di parlamento.
Prome Minister Wever Croes a bisa: “Bo mester pone den e contexto di Aruba”
