Opinion Publico: Ministerio Publico a siña comerciante con pa horta?
Si bo ta director di compania nv, bo mag horta, soborna y no tin castigo di prison
Tin hopi comentario den pueblo, cu ta hopi negativo riba e actitud di Ministerio Publico. Comentarionan ta bisa cu Lowenstein a soborna Benny, pero awor tambe Ministerio Publico.
Benny el’a soborna pa haya tereno, 300 kamber di hotel, permiso pa All Inclusive, y djey el’a soborna Ministerio Publico pa e no wordo hiba huez y pe no haya un sentencia.
Pa colmo, Ministerio Publico ta duna les na comerciantenan, cu si nan horta of soborna cualke minister, como director di NV, nan no por wordo persigui penalmente, pero solamente por haya boet.
Ta kico esaki ta? Ta legalisa corupcion y soborno? Den caso di Lowenstein, Benny a firma pe, aumentando valor di su propiedad, di 140 miyon, pa 300 miyon dolllar. Djey e ta paga 1 miyon florin na deal cu Ministerio Publico, pero e por get away cu 160 miyn dollar.
Ta increibel con e caso aki a draai y increibel cu tur director di compania por horta numa, pasobra no tin castigo di prison pa nan.
Nos ta kere cu nos merece di haya contesta pa loke a sosode aki!
