Huez a rechasa varios peticion di abogadonan

Diaranson huez a dicta sentencia den caso di ex Minister Benny Sevinger y su amigonan, relaciona cu e prome peticionnan cu a keda haci,  den cuadro di trabao preparatorio pa e caso mes mes cu lo tuma lugar despues, riba otro fecha.  

Abogadonan a logra gana poco tempo,  ya cu huez a dicidi di duna nan algun siman pa nan studia e caso y nan lo bolbe bek dia 1 di April, pa asina sigui haci e trabao prepatorio pa e caso oficial.   

Huez a rechasa e peticon di defensa di Benny,  pa agrega na e caso, documentonan di tereno cu ta regarda tempo di Marisol.   Huez a bisa cu esey ta otro caso y cu lo no hinca e documentonan ey den caso di Benny.   Esaki sigur tabata un sla pa defensa di Benny,  kendenan kier a pretende cu si Marisol por, nan tambe por.   Wel e flie ey no a subi. 

Tambe Huez a wanta e peticion, unda abogadonan a pidi mas testigo den e caso.    Dia 1 di April huez lo sigui evalua e peticion y kendenan lo wordo permiti pa ta testigo den e caso. 

Tambe abgodonan di Benny y grupo a faya, pa loke ta trata sierto dossier cu e abogadonan a pretende cu NO ta den e documentacion, a bin resulta cu e dossiernan si tabata den e documentonan.  

Caso pro-forma lo sigui dia 1 di April 2022…   Pues te ainda ta den e fase inicial,  y e caso mes mes, no tin fecha ainda pa wordo trata.

LEAVE A REPLY

Please enter your comment!
Please enter your name here