Diamars anochi den programa di NTN24 por a observa e mama di e Venezolano ilegal Mikol, hibando denuncia international y sacando su frustracion y su gal riba Aruba.
Esaki mas cu claro ta danki na e mal trato cu Warda nos Costa a duna e senjora aki, dia cu nan a pushe y mande vloer.
Tur e imagennan ey a wordo pasa y cu tur e fanfaria cu Aruba ta anti Venezolano, xenofobia, etc.etc.
Realmente un tistesa, pasobra e problema no ta di Aruba, sino di Chavismo y Nicolas Maduro cu a secuestra poder na Venezuela y mara nan mes den Gobierno.
Venezolanonan ta huy y bay rond mundo, causando iritacion.
Awor nos isla tambe mester wordo malamente lastra den exterior, pasobra cu nos no a duna asilo na algun persona of dor cu Krammers di Warda nos Costa no kier cumpi cu sentencia di huez, etc.etc.
Tur esaki nos pais mester soporta, sin tin arte ni parte di haci den nan problema.
Ta spera cu e asunto di e Venezolano Mikol aki por termina por una buena ves, cu sea e mester keda of bay, pero e storia mester termina.
