Parlamentario Endy Croes: Knops a wordo rechasa pa Hulanda
Parlamentario Endy Croes ta reaciona riba e actitud di Militair Knops kende despues di su derota fulminante den elecion recien di maart 2021 na Hulanda ainda su antoho ta pa pusha e COHO via un Rijkswet cual a ricibi un “dikke onvoldoende” di Raad van State.
CDA bou liderasgo di Knops a perde elecion:
Recientemente 17 di maart ultimo tabata tin elecion na Hulanda. Raymond Knops e militair cu kier trese cambionan grandi cueste loke cueste contra tur consehonan oficial pa E mes bin sinta riba e stoel di gobiernonan di Aruba, Curacao y St Maarten a wordo mal sirbi door di su propio pueblo. CDA a nombra Knops lider di campaña di CDA y e resultado tabata desastroso. Knops su caracter Militair y arogancia a percura pa CDA cay cu 5 asiento y awe a resta solamente 15 asiento y pues a bira un partido chiquito na Hulanda. Knops riba su propio nomber a saca apenas 8881 votos y tabata number 5 riba lista. Rutte
(VVD) y Sigrid Kaag (D66) ambos a saca mas cu 1 miyon votos cada un riba nan nomber. Si nos compara Knops cu otro candidatonan di su propio partido manera Martijn V Helvert tambe di Limburg ( mescos cu Knops) y tabata tin number 25 riba lista a saca 15.212 votos casi double di Knops. Ora mira otro candidatonan di CDA manera Vedder # 23 a saca 9377 votos y Van Dam # 47 riba lista a saca 9360 votos. Pues hopi candidato a lastra e propio Lider di campaña di CDA esta Raymond Knops den votos. Un persona na su sano huico lo mester entrega su retiro cu reslutado asina devastador unda su partido CDA a cay te na 15 asiento y su propio performance tabata un rechaso total di pueblo Hulandes. Parlamentario Endy Croes no ta kere ta momento pa Knops contra tur regla moral y decente mester sigui pusha COHO y un Rijskwet awor pero laga Politiek Den Haag haña su gobierno nobo pa sigui deal na un manera honesto cu e tema aki. Knops kier ta wrong and strong y no kier perde mas cara. ( Si a resta pa perde).
Erwin Arkenbout y David Abraham a apoya esaki:
Parlamentario Endy Croes por corda con e dos representantenan di VNO na Aruba y Corsow tanto David Abraham y Erwin Arkebout a campaña fuertemente pa e Rijkswetnan aki y e COHO den e forma presenta pa Knops. Arkenbout hasta a asumi rol di politico pa
Knops y a bay diferente radio emisora na Corsow pa campaña y bende esaki. Nan tambe mester por tin berguensa awe con Bo ta pusha algo totalmente contra Statuut. Awe e resultado ta riba mesa. Raad van State di Hulanda a bagatalisa e Rijkswet aki den e forma actual. Conclusion di Raad van State despues di a bati esnan cu a presenta e Rijkswet aki den e forma: ”Adviseert Raad van State de gekozen opzet te heroverwegen”. Na diferente passage Raad van State a splica cu COHO y Minister di BZK ta bay sinta “riba” Landsbestuur pues riba e stoel di gobierno. Esaki gewoonweg NO por. Mas despues nos lo amplia riba e conseho devastador di Raad van State na Knops y su gang. Nos ta spera cu awor por tin apertura pa nos negosha algo corecto cu respect pa otro y no un “GEDWONGEN CONSESNUS” manera e ta awor unda Militair Knops a malusa su poder den momentonan di crisis pa purba logra su meta CRUEL.
