Cristo Hesus mester ocupa e prome lugar den nos bida, nos tur mester sigi Su ehempel y imita Cristo den Su humildad y den Su amor.
Efesionan 5:1-2 ta bisa cu nos mester imita Dios, manera yuinan stima,cana den amor, mescos cu Cristo tambe a a stima boso y a entrega su mes pa nos, un ofrenda, y un sacrificio,na Dios como un holor dushi.
Y e ta sigi bisa cosnan cu nos mester tene masha bon cuenta cune den e tempo cu nos ta bibando;
Ma no laga inmoralidad, of cualkier sorto di impuresa,of golosidad,ni wordo menta mes mey mey di boso,manera ta pas pa santonan, ni sushedad, ni papia mento di cos di loco,ni chansanan bulgar,cu no ta pas, ma mas bien duna gradicimento.
Ta bon pa nos hobennan mantene nan bista riba futuro , den e cosnan bunita cu Crsito Hesus, ta ofrece, aparta for di cosnan bieu, aparta for di violencia, benta di droga, redo, mailicia, inmoralidad, pasobra den tur e cosnan aki nos antepasadonan a participa, y nos por mira atras cu hopi di nan no a logra nada, awel pa kico sigi nan den maldad, laga nos imita Cristo Hesus den su bondad.
E modelo di bida, pa nos tur ta Cristo Hesus , pa su amor , humildad y misericordia, E a ninga su mes pa e por muri na crus pa nos salbacion, y cu bista riba E gran amor cu e tin pa nos, nos tin di balora nos bida, cuida nos famia, cuida nos yiunan. balora decensia, y sinceridad den nos bida.
No keda pega den tempo, no bay bek den cosnan bieu, laga los, laga bay, pordona y sea liber, pasobra Cristo Hesus a haci nos liber, pa nos keda liber, y no bolbe bek den e maldadnan di antes.
Ta tempo pa tene bon cuenta cu ken nos tin amistad, pasobra amistad cu ta hiba nos na inmoralidad, y falta di respet no ta amistad, sino un piedra di trompica.
E palabra di Dios ta sigi bisa nos den Efesionan 5:15-16: Pesey mira bon con boso ta cana, no manera hende bobo,ma manera hende sabi, haciendo bon uso di boso tempo pasobra e dianan ta malo, pesey anto no sea bobo, ma compronde e boluntad di Senjor.
Pasobra antes boso tabata den scuridad, ma awor boso ta lus den Senjor, cana como yuinan di lus. ( Efesionan 5:9) pasobra e fruta di e lus ta consisti di tur bondad y husticia.
Duna respet na tur hende cu mester di respet, un hende cu no ta respeta su mes y su prohimo no ta cana den boluntad di Dios, mantene otro den amor, stima otro manera Dios a manda nos pa stima nos prohimo manera nos mes.
Dedica boso mes na oracion,keda alerta,den dje cu un actitud di gradicimento.( Colosensenan 4:2)
Si boso a lanta cu Cristo busca e cosnan di ariba caminda Cristo ta sinta na man drechi di e Dios.
Pone boso mente riba e cosnan di ariba,no riba e cosnan di riba tera.( Colosensenan 3;1-2).
Nos ta bibando den tempo tempo trabahoso, caminda nos salbacion ta mas importante cu tur cos, pasobra nos mester ta cla prepara, pasobra un momento of otro, e dia y e ora ningun hende no sa , pero Cristo ta bin busca su pueblo y nos mester ta prepara.
Pesey nos mester cana den pas, humildad, y santidad, sin locual ningun hende lo mira Dios.
Nos mester cana den lus pa nos por tin comunion cu Dios, pasobra Dios ta lus y den dje no tin scuridad.
Sinceramente, Pastor Marcel Balootje
