Durante di e reunion Marisol cu a tuma lugar diaranson, Minister Lopez Tromp a trece un informacion nobo dilanti. Esaki ta relaciona cu e ex director di Serlimar, Sr. Henley Davelaar. Segun Lopez Tromp, e diploma di Henley Davelaar ta falso.
Marisol a splica cu ora el’a bira minister, un di e prome cosnan cu a bin sali na cla, ta cu Hensley Davelaar tin dos diploma falso den su file. A bay haci un investigacion y a bin sali na cla cu dos di nan no ta basa riba berdad. Es mas, nan ta traha, falsifica, y nan ta contene e mes un sorto di fout, y pa colmo nan ta emiti riba e mes un fecha, pero cu un diferencia di 5 aña.
Esaki a conduci mesora cu a duna Davelaar su retiro y mester a bay busca un director cu si ta apto pa por maneha e compania.
E fraude cu diploma aki, segun Marisol, hasta a skip e compania di accountant cu a haci e screening, y no a cay riba e hecho cu e diplomanan aki ta falso.
