Marisol Lopes Tromp di Partido MAS recientemente a duna un declaracion, unda el’a critica Gobierno di Aruba, haciendo referencia na e carta di CAFT, cu ta inidca cu Gobierno no a cumpli cu 13 punto.

Cu otro palabra, Marisol ta cuestiona e cumplimento diparti Gobierno pa cu CAFT.

Loke Marisol no a splica ta cu den e 13 puntonan di CAFT, tin 2 punto cu ta referi na e recorte di 12.6%, unda CAFT ta CONTRA pa paga bek, CONTRA pa presupuesta e suma cu mester paga bek, y nan ta ORDENA Gobierno pa corigi presupuesto 2022, y draai bek e suma, pa NO paga ambtenaarnan.

Gobierno keto bay a keda nenga e ponencia aki di CAFT, pasobra Gobierno a mustra determina pa debolbe e 12.6% of at least cuminza duna bek 5% na Juli.

Cu e critica di Marisol, wantando na e carta di CAFT, acusando Gobierno, no ta keda ningun otro conclucion cu Marisol ta contra e trabaonan di Gobierno pa debolbe e 12.6%.

E puntonan den carta di CAFT, di 13 punto, ta number 4 cu 5:


4. Corigi prespuesto y mantene e recorte di 12.6%
5. Baha e gasto di personal na 417 miyon, keda tene e recorte na 12.6%

Pues, apoyando carta di CAFT, ta mescos cu bo ta CONTRA pa debolbe ambtenaarnan 12.6%.

Ta muestra cu politiconan ta usa TUR loke ta nan alcansa pa bati cacho cu palo, pero nan ta lubida cu nan critica ta corta nan mes!!

LEAVE A REPLY

Please enter your comment!
Please enter your name here