Marisol t’e unico persona cu por combati corupcion na Aruba?… Ironia Of hipocrecia?

0
1580

Opinion ricibi;

MARISOL TA E UNICO PERSONA CU POR COMBATI CORUPCION NA ARUBA?

E disputa interno den partido POR ta wordo comenta den tur skina na Aruba. Especialmente esnan cu ta considera nan mes mas studia, ta di opinion cu no por baha Marisol pasobra e ta combatiendo corupcion.

E demas personanan ta compronde cu e acuerdo di gobernacion ta cu e partido politico y e partido tin derecho di cambia e minister.

Esnan cu ta di opinion cu POR no por baha Marisol, tin un concepto eroneo cu ta Marisol ta e unico cu por combati corupcion.

Por a lubida ?

Ta bon pa refresca memoria di e personanan aki. Marisol durante gobernacion di MEP 2001-2009 a wordo acusa di un sin fin di corupcion. Brug di madushi. Tereno cu Neme. Tereno na malmok. Casnan na Colony. Prestamo na Abundance Holding di 1 miyon florin.

E acusacionnan aki nunca a wordo proba. AVP na 2010 a pasa un mocion pa investiga nan pero algun dia despues Marisol a bira independiente y investigacion a para.

Ta un hecho cu ora Marisol a baha como Minister e tabata tin hopi mas propiedad cu tempo el’a subi como minister ?

E rapport cu WODC a hasi na 2010 riba gobierno di MEP a conclui cu e gobernacion di MEP tabata bon, cu excepcion di e cartera di infrastructura. Riba e Maneho ey WODC tabata tin reservas.

Hipocrecia

Locual mas ta resalta ta cu net esnan cu na 2009 a yama Marisol pa tur sorto di corupto, awe ta exigi pa Marisol keda pa combati corupcion. Ironia? Of hipocrecia?

Cu of sin Marisol investigacion ta sigui

Hecho ta cu ta MINISTERIO PUBLICO ta investigando corupcion den casonan Avestruz y Flamingo. No Marisol. Y hecho ta cu si Marisol tey of e no tey, Ministerio Publico lo sigi investiga.

Ademas, pa no keda ningun duda cu Andin Bikker kier para investigacion, a keda palabra caba cu e cartera por lo pronto ta bay cay bou di prome minister, garantisando asina tur TUR ex minister di infrastructura wordo investiga!

LEAVE A REPLY

Please enter your comment!
Please enter your name here