Partido nobo! Gilbert Webb lider di HTC; A funda partido Hubentud Treciendo Cambio cu un biento fresco y nobo

0
951

Diamars atardi, Aruba a conoce un Partido Politico nobo, HTC,  cual a presenta su mes por medio di su lider Gilbert Webb.

Awo nos hobennan tambe tin representacion… A funda partido HTC cu un biento fresco y nobo

Aruba a conoce e amanecer di un partido nobo, cual ta Hubentud Treciendo Cambio (HTC). Ya for di siman pasa caba directiva di e partido a pasa na notario cu nos por bisa cu awe, Aruba tin un partido mas cu lo lansa pa e careda electoral pa otro aña. Partido HTC ta un partido nobo, fresco y hoben, cual ta haci esaki completamente boluntario y di curason. Hubentud awor aki mester di representacion y awo partido HTC ta haci esaki di curason y kier para pa e gerenciacion aki y nos futuro.

Pa por a lanta un partido tabata un decision dificil pa e hobennan aki pa asina dal e paso importante aki pa asina tuma e rumbo corecto pa Aruba y naturalmente pa ricibi e confiansa di pueblo.

Lider di e partido

Dia 24 di juli ultimo, e directiva di partido HTC tabata tin e tarea pa eligi un lider di partido y den e caso aki, nan a yega na un decision y a eligi Gilbert Webb, como lider di e partido.

Durante e conferencia di prensa diamars, Webb a vocifera cu awo hubentud y pueblo completo awo tin un voz. Vooral nos muchanan, cu actualmente ta sufri, mester di un yudansa y percura pa mañan nan ta sigui cu e lucha pa asina nos pais por bay dilanti.

LEAVE A REPLY

Please enter your comment!
Please enter your name here