Nos ta para na comienzo di un otro siman nobo. Relaciona cu e impase cu tin entre Aruba y Hulanda riba condicionnan impone den asina yama landspakket, entiteits y rijkswet, hopi lo puntra: Unda nos ta para? y con lo sigui dilanti ?
Diabierna di 10 di Juli a tuma lugar e reunion di Rijksministerraad na Hulanda, unda den e reunion ey, segun comunicado di prensa di Gobierno di Reino, Corsou y Sint Maarten a nenga, bisando un ‘No’ na e condicionnan di Hulanda y Aruba a pidi tempo, pa por discuti esaki na Aruba, pues Aruba no a bisa ni “Si” y ni “No”.
Corsou:
For di e rueda di prensa di e prome minister di Corsou, Sr. Eugene Ruggenaath a bisa cu den e reunion di Gobierno di Reino, el’a gradici Hulanda pa tur su sosten ricibi durante di coronacrisis, pero alaves a bisa cu Corsou no ta di acuardo cu e Consensus Rijkswet y como tal no tabatin decision. E trajecto di consensus rijskwet ey no ta sigui, pero a duna espacio pa partidonan bini bek serca otro na mesa, riba e contenido y wak con por yega na un acuerdo. Sr. Ruggentaath a sigui bisa cu Corsou ta di acuerdo si cu reformanan, cu modernisacion di nos modelo economico y financiero, pero tambe eseñansa, pa nos por implementa esakinan cu sosten financiero cu lo por bini di Hulanda tambe, pero esaki mester bini den un forma di colaboracion, cu sigur ta falta den e espirito di e consensus rijkswet.
Sint Maarten:
Pa loke ta trata Sint Maarten, e prome minister a declara cu Sint Maarten no ta accepta pa torno na loke e pueblo pa hopi aña a bini ta luchando pe y cu Hulanda mester tene mas consideracion cu dos situacion di desaster natural cu Sint Maarten a pasa aden cu e dos horcannan cu a asota e isla. Tambe el’a menciona cu e tin plan B, plan C y plan D, y cu si e pueblo di Sint Maarten lo mester hala faha mara, nan lo ta dispuesto pa haci’e, pero no por torno na loke a costanan añanan largo di lucha.
Aruba:
Pa loke ta trata Aruba, nos por compronde cu a pidi tempo pa asina hiba dos negosacion, tanto interno unda mester bolbe haci consultanan cu gremionan, pero tambe purba na avansa cierto negosacion cu Gobierno Hulandes, pa purba na ahusta e condicionnan manera nan ta actual y kisas haci nan di otro forma. Loke si Prome Minister di Aruba a bisa ta cu e ta reconoce cu esun cu ta duna un prestamo, por pone condicion y pa loke ta condicionnan di reforme, por compronde e peticion aki y cu Aruba den sierto sentido tin comprencion pa e condicionnan di Hulanda.
Knops – Hulanda:
Knops den su rueda di prensa a bisa cu e medidanan ta necesario pa asina haci e islanan fuerte atrobe, pa asina den un futuro e islanan mes por atende cu proximo crisis. Nos ta cita un parti di loke Knops a trece den su rueda di prensa:
Het pakket dat vandag voorlag, is dus naast de likiditeitssteun die we tot nu tu verleend hadden aan de landen, er waren 350 miljoen Euro, wat mischien oploopt in de komende tijd, tot een miljard Euro, bestaat dat uit een entiteit, met een investeeringspakket te waarde van ruim een half miljard Euro, 500 miljoen Euro, en wij zijn ertoe bereid, omdat wij geloven, dat op dit moment juiste keuzes te maken, door de goeie investeeringen te doen, samen met private partijen, dat we de eilanden echt verder te kunnen helpen, in de komende jaren. En ik voel me gesteund door een breed gevoel ook in Uw samenleving, dat dat nodig is. We hadden een goed gesprek gehad met reegeeringen, en we zijn niet op alle punten eens, maar mijn drijfveer, en de drijfveer van de Nederlandse regeering, is om in de komende tijd, en we hebben niet zoveel tijd, de goeie keuzes te maken met elkaar, samen met elkaar, binnen het koninkrijk. We gaan hervormen, we gaan dingens anders doen, we gaan investeren, en we zorgen ervoor dat het ook betaaldbaar blijft. En dat het eindelijk, in een aantal jaren, iedereen op de conclussie kan komen, dat we de goeie dingen hebben gedaan, in het belang van de inwoners, van Curacao, Aruba en Sint Maarten.
Unda nos ta para? Na e momento aki tur e paisnan lo mester ta den delibracion ta di ki forma nan lo ta dispuesto pa accepta e medidanan di Hulanda. Por nota si cu tanto Aruba y Corsou ta dispuesto pa ehecuta e reformanan den e ”landspakket”, pero e caminda cu kier regla esaki, ta haci e islanan hopi dolor. Hulanda lo no ta dispuesto pa tira awa den biña!
