Den e Landspakket unda Hulanda ta propone un cantidad grandi di reforme, nan a dedica tambe na e gasto di personal. Segun e intencion di Hulanda ta cu lo mester reduci e gastonan di personal te na un maximo di 10% di BBP, cual ta un promedio di islanan den Caribe. Ora cu bay traduci e 10% di BBP aki den cantidad di empleado publico actual, e ta trecebo na e resultado di 2500 empleado publico. SOLO DI PUEBLO a aserca algun experto di cifra y a bisa nos cu actualmente pais Aruba ta pagando 127 miyon florin na salario RIBA e 10% di BBP. Cu otro palabra mester corta 127 miyon florin. Ora bo tuma den consideracion cu un promedio di salario den Gobierno ta 4200 florin, bo ta yega na e conclucion cu manera e situacion ta actualmente, ta mustra cu e cantidad di empleado ta 2500.
Pa evita cualke sorto di polemica, SOLO DI PUEBLO ta ripiti, cu nos a tene nos mes na loke tin skirbi den Landspakket, esta 10% di BBP, cual ta e plafond di salario.
Aki nos ta cita for di e Lanspakket: De maatregelen gericht op verlaging van salarissen en versobering van arbeidsvoorwaarden in de publieke sector hebben tot doel de public wage bill in lijn te brengen met het Caribisch gemiddelde van 10 procent van het BBP, rekening houdend met landspecifieke factoren.
