Minister Dangui Oduber: Mei mei Febuari lo cuminsa duna e prome vacunanan na Aruba
Mester organisa logistacamente e proceso di vacuna
Minister di Salubridad Publico Sr. Dangui Oduber a informa diamars cu e prome vacunanan lo yega Aruba mei mei di Febuari 2021. Esey te palabracion cu a keda haci den un reunion cu a tuma lugar entre paisnan den Reino.
Hulanda a haci e promesa, cu asina cu e haya vacuna, e lo percura pa manda esaki pa e islanan.
E vacuna cu tin disponibel actualmente ta esun di Fizer, cual su temperatara ta -80 Grado Celcius, cual tambe ta implica cu mester tin e aparatonan special cu por mantene e temperatura.
Den e prome zending di vacuna, no ta conoci ainda cuanto vacuna lo wordo manda Aruba.
E promenan cu lo haya vacuna ta:
- Dunadornan di cuido medico 2. Cas di grandinan 3. Grandinan riba 60 aña den risico groep. 4. Grandinan riba 60 aña cu ta biba na nan cas 5. E resto di Aruba.
Desde December ta den contacto continuo cu Gobierno Hulandes pa prepara debidamente, pa ora e vacuna subi mercado, Aruba ta cla pa procesa esaki. Awor lo bay ricibi e freezernan cu lo garantisa -80C. Freezernan lo yega Aruba dia 13 di Januari. Dia 25 y 26 di Januari RIVM ta na Aruba pa haci un control y si tur cos cana, mei mei di Febuari lo cuminsa duna e prome vacunanan.
