E pandemia di coronavirus a dividi bida di hopi hende den un antes y un despues: algun a perde nan famia y otronan a keda sin trabao y sin cas.
Esaki ta e caso di e Mericano Eric Phillip Gordon, kende ta bibando den su van bao di un brug na Houston (Texas) despues di a perde su trabao na maart, ABC13 a informa.
“Mi a pasa di un cas y trabao pa 220 dollar y awo mi ta biba den mi auto bao di un brug. Mi ta hopi tristo, aisla y mi so,” e homber a conta.
Actualmente Eric, exbendedo, tin cu biba den un campamento improvisa hunto cu otro desafortunadonan y contenta cu e alimentonan cu ciudadanonan solidario ta aporta.
“Mi tabata yorando durante e ultimo tres oranan pa e amabilidad y bondad di e hendenan di Houston,” e homber ta sigura.
Cada dia, habitantenan local ta yega na e luga pa brinda nan ayudo na personanan cu ta den un situacion dificil.
“Hopi hende no ta comronde cu e hendenan menos afortuna no ta bendiciona manera nos cu por core y come bon cada dia,” Sincere Phillips, un di e personanan cu a yega e campamento pa yuda.
“Nos tin cu apoya nos rumannan. Esaki ta un forma di bisa nan “mi stimabo no solamente den bon tempo,” otro bishitante, Pedro Martinez a bisa.
Ocho luna despues di e comienso di e pandemia, Merca ta e pais mas afecta pa COVID-19, cu mas di 13,2 miyon di caso, y mas di 266 mil fayecido, segun datonan di e Universidad Johns Hopkins.
