E piloto Frances di Formula 1 Romain Grosjean tabata tin e suerte di scapa cu bida ora cu su auto a cuminsa kima ora cu el a impacta contra di un vangrail diadomingo durante e prome bueltanan di e Grand Prix di Bahrein.
Ora cu el a sali for di e birada durante e prome buelta, Grosjean a dal contra otro auto, a perde control y a accidenta contra un vangrail.
Producto di e dalmento riba velocidad halto, e monoplaza casi mesora a cende den un bola grandi di candela.
E careda mester a wordo suspendi inmediatamente mientras cu servicionan di emergencia a pura pa atende e piloto di 34 aña, kende a wordo mira ta sali for di e vlamnan, net na ora.
Despues dokternan a yud’e cana y a wordo traslada den ambulance na un centro medico.
