Parlamentario Miguel Mansur ta parce desespera. E ta hayando ril di vengansa pa ataka tur hende cu segun su opinion a bay contra su ley.
Prome el’a cuminza na ataka Arthur Dowers, indicando cu den un coalicion den futuro entre A21 y AVP, Dowers no por bira minister di Husticia.
Despues el’a sigui cu atake riba Herman Hek, un profesional cu ta griffier di parlamento ( un hurista). Segun Mansur cu Hek lo a stroba su ley di pasa.
Finalmente Mansur a bay contra Edgard Vrolijk, presidente di parlamento. Segun Mansur e lo pidi mocion di desconfiansa contra Edgard Vrolijk.
Pues por mira un sin fin di atake, un instigacion, haatzaai, contra varios persona cu a bay contra su ley.
Mas tristo ta cu e no tin rason riba ningun di su ponencianan.
Un parlamentario cu un actitud di “chichi”, cu kier lansa gritonan, keriendo cu si e halsa su vos, hende lo haya miedo di dje. Den papiamento crioyo: “No ta sirbi pa nada”.
Ta di lamenta cu su conseheronan y su famia no por controla su emocionnan di ril cu e ta hayando pe ley di matrimonio y mustre cu e actitud aki, ta rechaso so e lo haya di pueblo.
