Minister di Salubridad Publico a reacciona diaranson mainta riba e ponencianan treci dilanti pa AVP. Awor por scucha Partido AVP ta lansa critica riba asuntonan di AZV. Pero kico nan mes a haci na 2014? Ta nan a tuma e decision aki na 2014, hunto cu tur gremio, y a hinke den un protocol tambe.

Minister Oduber a bisa: “Awe nos ta tende cuestionamento y criticanan hungando cu sentimento di pueblo di partido AVP riba e reformanan di AZV. Den e discusion aki partido AVP mester ta e ultimo partido pa cuestiona cualkier decision. Durante dialogo social na aña 2014 Gabinete Mike Eman 2, no solamente a acorda cu sindicatonan y gremionan, sino a firma un PROTOCOL, cu lo introduci un contribucion propio (eigen bijdrage) y voer af remedinan di e asina yama positieve lijst. Ta hopi remarcabel cu awe netamente partido AVP ta cuestiona un decision cu nan mes a tuma caba. Lesa e protocol pa bo mes.”

Alaves Minister Dangui Oduber a pone e prueba riba mesa, pa no laga espacio pa duda, pa pueblo mes por mira con AVP kier hunga wega politico awor, di loke nan mes a acorda y firma na 2014.

LEAVE A REPLY

Please enter your comment!
Please enter your name here