Un feliz dia yena di bendicion y cu Dios brasa boso cu Su gracia na abundancia.

Mi ta bisa boso: ”tur hende cu tin caba lo haya mas y tur cu no tin, hasta e tiki cu nan tin, lo kita for di nan.” Lucas 19,26

Rumannan, E parabola di e 10 monedanan di oro ta un manera duro pa laga nos pensa. E 10 monedanan aki ta representa e donnan cu Dios a duna cada un di nos. Dios ta duna nos donnan pa nos por uza den Su nomber. Mescos cu E shon a confia su trahadonan cu e moneda, asina Dios tambe ta confia nos cu e donnan cu E ta duna nos. Mescos cu e shon a spera di e trahado cu e lo bay y rende e moneda, mescos Dios ta spera di nos di haci bon uzo di e donnan cu E ta duna nos. Mas bo uza bo donnan, mas Dios ta multiplica nan pa bo. Si bo no haci uzo di nan, of bira floho riba nan, Dios por te hasta kita nan bek for di bo. Uza bo don pa evangelisa tur caminda cu bo bay.

Oracion: Nos Señor Dios, danki pa tur cos cu Bo ta duna nos y confia nos cu ne. Nos ta pidi Bo Señor pa keda guia nos semper den e caminda di Bo ehempel. E caminda cu Bo Yiu Hesus ta mustra cu amor y misericordia pa asina trece mas alma na pia di Hesus. Nos ta yama Bo danki Señor den e nomber santo y poderoso di Bo Yiu Hesus, Amen.

LEAVE A REPLY

Please enter your comment!
Please enter your name here