ORANJESTAD: Dialuna mainta, durante Conferencia di Prensa Extraordinario, Minister di EnseΓ±ansa y Deporte Endy Croes a anuncia cu a firma un contracto nobo cu CBN pa Lotto pa Deporte. Minister Endy Croes a expresa u e deseo cu tabatin pa negosha un miho contracto pa deporte di Aruba ta pa motibo cu e fondonan di Lotto pa Deporte no tabata yega na su destinacion. Gran parti di e fondo di Lotto pa Deporte tabata bay pa otro destinacion y no pa e deportistanan di pais Aruba. Minister Endy Croes a sigui bisa durante e conferencia di prensa cu e gobierno di turno e tempo ey, a dicidi di traspasa e operacion di Lotto pa Deporte completamente den man di Canada y a lanta Canadian Bank Note Company Aruba (CBNA). Desde aΓ±a 1999 pa aΓ±a 2011 Canada tabatin contracto cu Lotto pa Deporte, unda cu nan tabatin un management fee di 8.25 porciento. Na aΓ±a 2011, 8.25 porciento a bira 23.5 porciento, cual ta un inhusticia total. Por mira cu di aΓ±a 2011 pa aΓ±a 2020, CBN y CBNA a ricibi 104 miyon florin y Stichting Sportsubsidie Aruba a haya solamente 34 miyon florin. E no tabata un negociacion facil, pero den luna di februari di aΓ±a 2023, Gobierno di Aruba a logra firma un contracto legitimo cu CBN. A bolter e contracto y awo CBN y CBNA no ta ricibi 23.5 porciento mas, sino 8.25 porciento. Un logro grandi pa deporte di Aruba. Deportistanan mester ta central y ta pa nan a hiba e lucha aki.
