E hendanan ta acusa Hesus, y Hesus ta demostra cu su obranan ta bini di Dios y cu Su yegada e poder di e malvado ta wordo derota. Hesus ta superior na e malo y El a bini pa rescata humanidad. Dilanti Hesus su presencia no ta existi un postura neutral, of nos ta na fabor di e luz of di e scuridad. Tambe Hesus ta siña nos cu no ta basta haci nos curpa limpi di cosnan malo; ta necesario yena nos bida cu e presencia di Dios sino nos bida ta bolbe bira bashi sin sentido. Den nos bida nos por conta riba Señor cu semper t’ey pa nos y cu lo defende nos di tur cosnan malo cu e poder di nos unico Dios cu ta hospeda den shelo. Bendiciona ta esunnan cu ta kere sin mira ningun señal pa medio di nan fe.
Oracion: Señor Hesus, danki pa semper t’ey banda di nos y duna nos e gracia pa semper nos keda na bo fabor. Nos ta gradici Bo pa bo presencia den bon y den malo y tambe pa duna nos trankilidad y paz den nos curason pa asina nos por compronde nos mes y compronde otro, stima nos mes y stima otro manera Abo Señor ta stima nos. Amen.
