En conexion cu dia internacional di mucha.

ORANJESTAD – Diasabra ultimo Ministerio di Husticia y Asuntonan Social a organisa e “marcha pa nos derechonan” en conexion cu dia internacional di Derecho di Mucha. E marcha a sali for di Plaza Nikki Habibe pasa door di caya Betico Croes pa asina termina na Plaza Padu. Un atardi yena cu canto, baile, informacion y actividadnan popular pa e muchanan.

Meta di e actividad tabata pa marcha pa e derecho fundamental y basico di cada mucha y hoben na Aruba y rond mundo y conscientisa henter e comunidad riba e derechonan aki.

Un grupo di mucha hopi contento a marcha cu musica y borchinan colorido y riba cada borchi tabatin skirbi un di nan derechonan. 

Concluyendo Minister Endy Croes ta felicita colega Minister Rocco Tjon y Ministerio di Asuntonan Social cu a organisa bunita evento, tambe ta gradici tur e mayornan, docentenan cu cu a compaña e muchanan, IBISA, Cuerpo Policial Aruba, Grupo Scouting y tur cu a aporta pa haci e dia aki uno exitoso yena cu alegria pa nos muchanan. 

LEAVE A REPLY

Please enter your comment!
Please enter your name here