”Persevera y boso lo salba boso alma ” (Lucas 21,19)
Awe Hesus ta invita nos pa biba cu perseverancia. Con nos mester trata cu cualkier conflicto cu presenta den nos bida. Mantene nos mes firme, constante y no rindi mesora. Maske nos pasa den pruebanan di bida, corda cu Hesus semper ta cu nos. Si bo ta un cristian, bo ta wordo persigui pa bo fe. Ya for di tempo di nos bautismo, e malo a declara nos guera. E malo ta busca tur moda pa desvia nos, pa nos no drenta e Reino di Dios. No tin rosa sin sumpiña. Pa yega cielo tin hopi dificultad y obstaculo den caminda. Como discipulo di Hesus, nos mester carga cu amor nos cruz di tur dia pa e caminda di calvario. Cana den bida cu perseverancia ta na prome luga. Nos mester por discerni profetanan falso. Si nos permanece fuerte den bida, mantene nos fe y confiansa den Dios nos lo ta mas cu victorioso. Persevera den oracion y keda fiel na Su Palabra.
Oracion: Señor, Bo ta rey di mi bida. Laga mi persevera te na final di mi bida y yena mi cu Bo gracianan. Amen.
