Diaranson atardi, Minister Endy Croes hunto cu colega Minister Dangui Oduber tabata presente na e conferencia di prensa di Aruba Soccer Academy (ASA), unda a presenta e 18 hungadonan di futbol U- 12 cu lo representa Aruba den Miami Soccer Foundation Cup, esta e 2024 Miami Cup. Alrededor di 13 pais ta competiendo pa conkista e titulo maximo di e torneo aki.
E di 11 edicion di Miami Cup ta tuma luga di 8 pa 13 di juli proximo. βSigur e ta un esfuerso grandi cu e staf, coach, mayor y stakeholder a haci pa por realisa e soΓ±o aki, unda cu lo brinda e hobennan e oportunidad pa desaroya nan talento y hunga contra otro paisβ, Minister Endy Croes a enfatisa. βTa tarea di Gobierno di Aruba pa percura pa yuda cu e infrastructura di e stadionnan pa nan ta den miho condicion pa e trainingnan por tuma luga. βNos semper ta habri pa yuda tur organisacion y pa yuda nos muchanan desaroya na un nivel mas haltoβ, Minister Endy Croes a subraya.
E ekipo di Aruba ta biahando e fin di siman aki pa Miami acompaΓ±a Hefe di Delegacion di Aruba Sra. Sabine de Groot, Head Coach Sr. Kike Japonza y Assistant Coach Sr. Bryan Maduro. Pa conclui, Minister Endy Croes ta gradici staf, coach, mayor, stakeholder y tur esnan cu a contribui pa haci e soΓ±o aki posibel pa e hobennan.Β Alabes ta desea e hugadonan hopi exito. Cu deseo, dedicacion, determinacion y disciplina boso ta logra!
