Den fin di siman a tuma luga na Pos Chikito Ballpark final den Minor Division entre ekipo Liga Central Braulio Wester y Aruba North League. Minister Endy Croes tabata presente pa mira e tremendo partido alabes entrega premio. Liga Central Braulio Wester ta derota Aruba North Little League den tres wega sigui pa asina titula campeon den Minor Division.

Na final Minister di Enseñansa y Deporte Endy Croes hunto cu sr. Melvin Quillote a haci entrega di e bandera di campeon Division Minor na Liga Central Braulio Wester cu lo representa Aruba proximamente na Puerto Rico. Finalisando Minister Endy Croes ta felicita tur e hobennan cu a competi, boso tur a luci. Alabes ta gradici organisadonan y tur boluntario cu a haci e campeonato aki posibel y exitoso.

LEAVE A REPLY

Please enter your comment!
Please enter your name here