Segun Minister di Turismo y Salubridad, Sr. Dangui Oduber, den fin di siman tabata tin un bon reunion unda departamento di salud publico, DVG a reuni cu tur e clubnan nocturno. E deparatamento di salud publico a expresa e preocupacionan cu ta reina den e field, esta di e comportacion di personanan cu ta bishita e clubnan nocturno. Eynan tambe a mustra e comprension cu esaki como pais, nos por keda mantene nos mes na e reglanan, na e protocolnan y muy especialmente na e disiplina, cual ta e unico forma y unico manera cu nos por mantene nos economia na reactiva manera cu e ta bayendo. Mes un caso pa nos turismo y pa asina nos pais Aruba poco poco cuminsa bay bek na normalidad manera nos conoce. No sa cu e lo bay tuma tempo, e no ta bay di awe pa maƱan, pero pais Aruba a demostra e curashi pa disidi pa habri nos fronteranan. Nos tabata conciente di e protocolnan. Nos a mantene nos mes na protocolnan hopi estricto. Sr. Oduber a sigui bisa pa wak otro paisnan den Caribe, ta habri nan frontera, tin di nan mester a cera nan frontera bek pasobra den comparacion di Aruba den protocolnan cu nos tin inplace a traha bon. Nos ta kere nos tin e protocolnan implace cu a wordo demonstra e ultimo 26 dianan cu ta dunando resultado. Ta e protocolnan correcto pa nos como pais mantene nos fronteranan habri.

LEAVE A REPLY

Please enter your comment!
Please enter your name here