Durante un rueda di prensa teni dialuna mainta, Minister di Husticia Sr. Andin Bikker a trata e tema di Warda nos costa. E minister a splica cu e situacion na Warda nos Costa, manera pueblo di Aruba sa ultimo simannan e situacion ta basta tenso door di e situacion cu e frontera di Venezuela ta sera.

No a logra keda cla cu Venezuela:

Segun Minister Bikker a bisa cu Gobierno a hasi varios intento pa nos por a yega na un acuerdo pa medio di diplomacia cu e gobierno di Venezuela pa nos por a transporta e personanan y repartianan bek pa Venezuela, sinembargo esaki no a logra.
Nos ta spera e siman aki, pa medio di esfuerso diplomatico pa nos por yega na esaki.

Maneho openbare toets beleid:

Sinembargo etretanto nos a bin cu e maneho por ehempel na Hulanda cu a enfrenta sierto caso cu informacionnan similar y nos a intruduci loke cu nos ta yama un openbare toets beleid. E openbare toets beleid den articulo 16 di e landsverordening toelating en uitzetting e ta bisa basicamente bo por retene personanan ora entre otro nan ta un peliger pa e ordo publico pero tambe e aspecto di nan ta bay ontrek nan mes, nan ta bay evadi nan mes pa no wordo deporta. Nos a bin cu e openbare toets y esaki ta encera cu personan cu por ehempel ta sali for di KIA cu pa definitie nan ta wordo sera door cu nan ta un menesa pa ordo publico, nan ta keda reteni. Personanan cu uno of otro motibo a comete un ofensa contra openbare orde pelea, menasa ect cu net no ta suficiente pa detenenan bao di e regimen penal, pues bao nos wetgeving van strafordering ta wordo transpasa na Guarda nos Costa tambe nos ta retene y otro personanan cu infraccion cu nos ta pensa nan ta un menesa pa ordo publico.

Libertad cu garantsteller

E otro personanan cu ya caba tin hopi lunas deteni, nos a cuminsa evalua e di dos aspecto cu ta garansteller. Si un persona local cu tin suficiente entrada cu por duna nan un dak y para garante cu ora e frontera habri bek, cu nan lo meld pa nan wordo deporta, lo por bay den libertad bao di condicion. Esey a traha exitosamente varios persona a bin cu personanan di nacionalidad hulandes estableci akinan cu a para garant pa nan. Algun no a bini na remarke, pasobra nos ta keda hasi openbare toets. Nos a haya recomendacionnan di diferente comicion nan cu ta evalua cada un di e 200 personanan y ora ey nos por a duna un paar di nan y esey a alivia e presion.

Team di mediacion

Ademas tin un team di mediacion cu ta consisti di entre otro miembro nan KPA pero tambe di Ministerio di Husticia y di Guarda nos Costa mes cu ta reuni diariamente cu e lidernan di e representantenan eyden, y ta wak kico ta e precupacionnan y asina ey nos ta purba alivia e situacion, te ora cu nos por yega na e resultado final cu e frontera pa medio di intermediacion diplomatico por wordo habri y nos por hiba e persona aki bek na nan pais.

Nos ta bisa cu hopi persona desde cu nos a anuncia tambe e maneho di repartacion voluntario nos ta bayendo direccion di 700 of 1000 persona cu nan mes a meld cu kier wordo repartia, pero aworaki e periodidad ta pa personan cu tin e openbare toets cu ta sali for di KIA y cuminsa wordo repartia.

Den e tempo nan “aya” practicamente ora un persona wordo laga liber y tin un sentencia na KIA den apenas un par ora of dia e ta e ta wordo repartia bek na su pais door di e situacion di Covid corona crisis awor akinan nos no tin e luho ey nos ta spera si cu nos ta bay haya un resultado postivo di e mediacion diplomatico den e nivel di reino.

LEAVE A REPLY

Please enter your comment!
Please enter your name here