Minister Oduber: Despues di 26 dia no tin transimicion local; Tur esnan cu ta activo ta bon di salud

0
406

Den e covid media briefing di dialuna anochi, Minister di Turismo y Salubridad Publico a elaobra riba e desaroyo di tursitanan cu ta drentando Aruba relaciona cu Covid-19. E minister a splica e weekend tras di lomba, manera ta conoci como parti di nos protocol, a test tur turista ora nan yega Aruba. “Den weekend cu a pasa no tabata tin ningun caso positivo, nos a keda na 14 caso activo”, Oduber a bisa.

Te na e momento nan aki esaki ta sumamente positivo cu nos pais Aruba, despues di 26 dia no tin transimicion local y no tin casonan cu mester wordo interna den hospital. Tur esnan cu ta positivo y cu ta activo ta relativamente bon di salud. Sigur esaki ta duna nos perspectiva cu nos por sigui riba e curso di reactiva nos turismo, reactiva nos economia cu ta hopi importante y ta importante pa nos mantene esaki asina. Pesey tambe e protocolnan cu nos tin inplace no solamente pa turista sino pa nos localnan, pa nos comunidad y pa establecimentonan ta asina importante pa nos mantene e diciplina vigente. Di e forma aki nos por mantene nos fronteranan habri manera t’e caso durante e prome 26 dia nan.

LEAVE A REPLY

Please enter your comment!
Please enter your name here