Turistanan ta contento cu e protocolnan di test como e seguro; Via Health App nan ta haya resultado den apenas 7 ora

0
83

Turistanan ta contento cu e protocolnan di test como e seguro; Via Health App ta haya resultado den apenas 7 ora

Turistanan ta hopi contento, asina Minister di Turismo Sr. Dangui Oduber a laga sa den e media briefing di dialuna anochi. Si tuma nota di kico ta e comentario di turistanan, turistanan ta sumamente satisfecho y contento cu e protocolnan cu Aruba tin. Nos a introduci un seguro obligatorio pa covid-19. Na momento cu esaki a wordo lansa y intruduci hopi tabata esnan cu a cuestiona esaki y awe nos ta mira con turistanan ta aplaudi esaki. No solamente esaki, sino tambe e parti di testing mandatorio ta wordo aplaudi, vooral e turistanan Americano pasobra na Merca e proceso pa hasi un PSR test ta dura dianan prome cu bo haya un resultado.
Na Aruba e procedura cu nan ta encamina na airport ta un procedura cu ta bay relativamente hopi lihe, e ta un experiencia cu turista mes ta comparti cu AHATA y social media kico ta nan exeperencia di e momentonan aki ora di yega Aruba. Esaki sigur ta yena nos cu satisfaction cu e turistanan cu ta biniendo e ultimo siman nan ta sumamente agradecido y contento cu e protocolnan y procedura nan aki cu nos a introduci.

Aruba Health App:
A introduci e Aruba health app, cual e turistanan ta download prome cu nan yega Aruba of na momento di yegada. E app aki ta gelink cu e PSR test cu nan ta hasi na airport. Ya caba nos a midi tempo cu e test aki ta tuma y e ta bay relativamente hopi lihe. E test ta wordo a hasi entre 1 cu 3 minuut. Loke ta hopi importante di e PSR test cu e ta wordo hasi dentro di 7 ora. Esey ta e averahe cu e turista ya caba ta haya su resultado si e ta covid positivo of covid negativo

LEAVE A REPLY

Please enter your comment!
Please enter your name here