Misterio y silencio rond di Latin Passions

0
14818

E caso di Latin Passions na Sanicolas ta rondona pa misterio y silencio. Instancianan oficial no ta dunando ningun informacion. Investigadornan priva di Solo di Pueblo a bin compronde cu e team di recherche ta keto bay den investigacion y unda a cuminza cu interogacion/verhoor sea testigonan of di esnan cu mester duna mas informacion.

Riba rednan social por a mira cu un familiar di e dama cu a fayece a pone un foto di e cara di e dama, unda por constata cu e dama su cara parce golpia. Ta imposibel cu un persona ta intoxica y por ricibi asina hopi corta y sla na cara.

Gas di Declo?
Investigacion cu SOLO DI PUEBLO a haci a bin saca afo cu e delco encuestion tin ya caba 5 dia den funccion na e sitio. E delco no ta poni den e espacio di e bar, sino den un local (un otro bar) na banda. Den e local na banda, e bentana y porta tabata habri y tambe bentana y porta di e segundo pisto tabata habri, dunando asina e posibilidad pa e gas haya su caminda pa pafo. Pues por conclui cu tabatin hopi caminda pa e gas sali, cu net e mester a cruca bay den e bar cu tabata den funccion. Pues pa 50% por descarta cu loke a sosode ta intoxiacacion.

Asesinato?
Tur cos ta mustra den direccion di un posibel asesinato. Si mira e foto di e dama cu a fayece, su cara ta parce golpia y a produci basta sanger tambe den direccion di su boca.

Dos dama na bida
E dos damanan cu a keda na bida, cual aparentemente a keda den shock, ta e uniconan cu lo por divulga kico a pasa. Mas cu claro cu nan ta e dos testigonan di mas importante na e momento aki cu autoridad lo kier scucha.

Horario?
Loke cu autoridad mester establece ta e horario cu algo a pasa. Cuanto hora e personanan aki tin for di tino den e club? E bar a habri diaranson anochi? Of loke a sosode por a pasa diaranson marduga caba?

Di acuerdo cu informacion di SOLO DI PUEBLO, ya caba autoridad a scucha 4 pa 5 persona y ta sigui haci esaki te ora cu establece kico exactamente a sosode.

Esaki ta un foto di Lattin Passions, e parti di bar, unda a haya sanger riba vloer.

LEAVE A REPLY

Please enter your comment!
Please enter your name here