Aruba a ricibi 11.000 turista den prome 26 dianan di reapertura cu Europa y Merca
Dialuna Minister encarga cu turismo y salubridad publico a duna un update riba e situation actual pa cu e reapertura di nos fronteranan y tambe e casonan di Covid-19 activo na Aruba.
Segun Minster Oduber a splica cu manera ta conoci a habri e fronteranan for di dia prome di juli 2020 cu Europa y despues a sigui pa e reapertura for di Merca. Desde prome di juli te cu awe, Aruba a ricibi mas cu 11.000 turista. E weekend tras di lomba tabata e di tercer weekend caba desde cu nos a habri e fronteranan for di Merca. Hopi a duda, hopi a puntra riba e decision, pero Oduber a bisa cu e ta kere cu Aruba a traha hopi duro cu ayudonan profesional cu a yuda traha riba e mihor protocolnan cu nos por a implementa pa di e forma aki limita e riesgo di importacion mas tanto posibel. Asina a duna e turista tambe garantia pa gosa di un vakantie na Aruba, na un pais realativamente cu tiki casonan di covid. Nos por ta hopi satisfecho con e prome 26 dianan ta bayendo, Minister Oduber a bisa.
