Monica Pimentel di Impact Taekwondo a biaha pa Costa Rica cu dos atleta.
Dialuna atardi Monica Pimentel di Impact Taekwondo a biaha pa Costa Rica hunto cu dos atleta cadet di su scol pa participa den e Pan Am Series II. Impact Taekwondo ta situa na Scol Basico Washington.
Anabella Fernandez y Kianna Krosendijk a prepara den e proyecto piloto di Aruba Taekwondo Bond bou guia di Monica Pimentel y Stuart Smit. Nan ta bay participa den nan prome evento internacional pa aña 2022. Anabella Fernandez ta bay bringa den peso di -55 kilo, mientras cu Kianna Krosendijk ta bay bringa den peso di -59 kilo.
Mayornan a bay airport pa desea nan yiunan exito na Costa Rica.ARTBO ta felicita Monica Pimentel pa a logra di bay cu dos atleta cu lo representa Aruba na Costa Rica den e Pan Am Series II.
