Recientemente CAFT a emiti un conseho, unda nan ta informa cu e gastonan di huur a aumenta compara cu 2016. E comentario aki a ocaciona cu lider opositor Mike Eman a gara na e rabo di flie, y a cuminza critica e actual gobierno, algo parecido cu nan lo ta faboreciendo nan hendenan cu contractnan di huur di edificio.
Ora cu SOLO DI PUEBLO a busca mas informacion, nos a bin lesa den e comentario di CAFT esaki:
“Zo zijn de lasten gerelateerd aan de huur van gebouwen sinds 2016 fors toegenomen (bijna 40 procent)”
Aki CAFT ta trece e comentario, relaciona cu 2016. Despues di 2016 ta logico cu e gastonan di huur a subi, pasobra Mike Eman a laga construi 4 edificio di MFA. MFA Noord, Sta. Cruz, Sabaneta y Paradera. Tur ta den forma di huurkoop unda pa 20 pa 25 aña e gasto ta core bao di huur.
Pues, cu e gasto di huur a subi, ta Mike Eman a percura pa esey tuma lugar y awe a ocaciona cu e gastonan di “Goederen den Diensten” mester subi, pa por paga e huur di MFA.
Ta straña nos cu Mike Eman a gara na e rabo di flie di CAFT, cuminza lansa critica, sin investiga prome, pe haya sa cu te mes a ocaciona subida di gastonan di huur.
E MFA-nan a wordo traha cu fondo priva, cu ta paga un huur pa 20/25 aña largo y despues e edificionan lo bira di Gobierno.
