Diabuebs mainta (ora local) weganan di Copa Mundial Qatar 2022 a continua cu 2 wega simultáneo, Morocco a enfrenta Canada y otro banda Belgica a enfrenta Croatia.
Weganan aki tabata valido pa grupo F, caminda e unico ekipo elimina tabata Canada.
Morocco tabata tin e chance di clasifica pa round di 16 después di hopi aña, ultimo biaha cu a logra esaki tabata na mundial di Mexico 86.
Morocco a cuminsa e wega aki cu hopi velocidad y apenas na di 4 minuut ta bay ariba cu score di 1-0 cu gol anota pa Hakim Ziyech.
Morocco a sigui domina e wega y na 23 minuut Youssef En-Nesyri ta haci e wega 2-0 pa Morocco.
Na di 40 minuut tabata tin un autogol di Morocco cu a corta e ventaha pa Canada, autogol tabata di Nayef Aguerd.
Prome mitar a bay den descanso cu score di 2-1 na fabor di Morocco.
Den di dos mitar Morocco a hunga pa protégé e ventaha, sin haci mucho atake, mientras cu Canada kier a logra su prome punto den historia di Mundial, lamentablemente Canada no a logra esaki y asina tambe e wega ta termina cu score di 2-1 na fabor di Morocco cu ta clasifica pa siguiente buelta.
Den otro wega Belgica y Croatia ta keda empata 0-0 y asina Belgica ta keda elimina for di Copa Mundial 2022.
Tabla di posicion di grupo F ta keda asina aki, Morocco na prome lugar cu 7 punto, Croatia na di dos lugar cu 5 punto, Belgica cu 4 punto na di tres lugar y Canada cu 0 punto.
