Diabierna atardi polis a bay altura di Anytime Bar Restaurant situa na Paradera.Tawata den careda di 4’or cu polis a bay cu urgencia Paradera, pa un accidente entre brommer cu auto.
Na yegada polis di Playa a topa cu un brommer Sigma completamente destrui, tur e piesanan tawata gespart ariba parkeerplaats di e bar restaurant.
Memey caminda tawata tin e auto envolvi cu ta un Mitsubishi Galant.E impacto tawata momento cu e chauffeur a bay bira pa parkeer na e bar restaurant y lo no a mira e brommer biniendo.
E motociclista despues di e impacto a bay cay algun meter mas leu, pero na yegada di polis e tawata “ok”. Polis por a comunica facilmente cu ne cual ta un bon señal. Un pia si e tawata sinti hopi dolor y ya polis a pidi pa un ambulance.
Polisnan di trafico a yega y algun rato despues ambulance.Paramediconan a opta pa transporta e motociclista pa hospital.
