Diahuebs atardi, Prome Minister Wever Croes a duna un media briefing riba e status di negosacion cu Hulanda.
Premier a bisa cu ayera a haya un proposicion di Hulanda y cu un dealine di 11.or ora di Aruba. Cu e proposal di ayera, Gobierno di Aruba por compronde cu riba e nivel ”ambtelijk”, nan no a of nan no por a tene cuenta cu e puntonan di Aruba, e puntonan mas fundamental y crucial pa yega na consensus. A conclui awe cu riba e nivel ‘ambtelijk’ no tin espacio y a dicidi pa escala esaki na nivel mas halto, continua cu dialogo, continua cu negosacion. E contra proposal di Aruba a wordo manda pa Secretario di Estado Knops. Te asina leu e status. No a logra manda esaki prome cu 11.or, pero algo prome cu 4.30 a manda e contra proposicion pa Knops y awor ta warda riba su contesta den e siguiente dianan y purba yega na otro. Segun Prome Minister a bisa cu esaki ta cosnan cu por pasa, door cu ambtenaarnan tin cierto mandato limita, y cu despues bo ta sigui na un nivel politico, Premier a bisa.
Sra. Wever Croes a sigui bisa cu Gobierno tin dos luna ainda cu nos lo no cay den problema, y esey ta duna espacio pa e negosacion tuma su curso, unda por sinta y negocia trankil cu otro.
