Santa Helenastraat – Diasabra mainta algo pasa di 10’or polis y ambulance a sali pa altura di Xavier University, unda un auto a dal un Scooter electrico.
Ta trata di Nelson Andrade cu ta esun envolvi den accidente.
Dilanti di su Van Changan a haya e Scooter di coriente pega parti abao y por a mira cu Andrade a lastra e Scooter un par di meter, pero cu pa suerte no a pasa riba dje.
Ariba caminda tawata tin e marca di e Scooter cu a wordo lastra algun meter.
E chofer di e scooter mustra oke pero asina mes ambulance a yega y Paramediconan a lage subi den e ambulance pa haci un check up.
Departamento di trafico tambe a wordo pidi. Na e sitio Andrade a splica cu e no a mira e Scooter y a dal e.
No por descarta cu aki por ta trata di falta di atencion riba trafico.
