El’a haya castigo pa haci trabao pa comunidad… El’a cumpli?
Na varios ocacion, Nelson Andrade, ta boca yen, yamando otro hende pa ladron. Un ves tras di otro e ta keda lastra tur hende na su antoho, basa riba mentira!
Su fanatismo politico, su lembemento tras di Mike Eman no conoce fin, pasobra den gobierno di Mike Eman, ta tur siman e tabata den avion ta keiro cu Eman.
Tur esaki a wordo paga via Tera Group cu tabata cobra pa tur e viahenan aki y dje forma ey tabata cumpra un cantidad di ticket na Nautilus Travel.
Sinembargo ora cu e ta yama tur otro hende pa ladron; ta bon pa recorde cu su mes ta un ladron, sentencia dor di huez, haya culpabel di a horta radio di polis.
E sentencia di huez ta clarito: Marko Spinoza a confesa na landsrecherche, den interogacion # 4, cu e tabatin e radio di polis for di un polis. Spinoza a sigui declara cu el’a wordo yama dor di Nelson Andrade, pe bay entrega e radio bek cerca tal polis.
Spinoza a wordo confronta den corte dor di Huez y Spinoza a para riba cu loke el’a declara ta berdad.
Dje forma aki, huez a haya suficientemente proba, cu Nelson Andrande, tabata e cabesante di e robo aki y a wordo sentencia y mester haci trabao pa comunidad.
E trabao di su 200 horanan a wordo ehecuta? Of e tambe ta pendiente ainda?
Pues, si tin un persona cu a sinta dilanti un huez penal, ta Nelson Andrade. E mester tin berguenza pa yama otro hende pa ladron, siendo e mes ta un ladron sentencia pa huez.
